Agau Vs Polantas

Agau katuju maingun burung,tapi agau ini sadikit taganggu pandangarannya,maklum bakas dipatuk tadung ditalinga waktu kakanakan,banyak burung nang di ingun oleh agau matan jalak sampai pipit.
Pas malam kamanakan agau manalepon bahwa handak jua baisian burung,jadi jar agau daripada nukar balarang larang baik kubari haja ikam saikung burung jalak jar nya,hakun ae kamanakan agau pas jua pulang agau handak karumah kamanakannya,maklum lawas sudah kada batamu,
Baisukan banar agau sudah tulak matan rumah inya,basapida motor haja wadah nang kamanakan jadi burung nang pacang dibariakan wadah kamakannya dijarat dibalakang sapida motor.ditangah jalan urang rajia kandaraan bamotor banyak urang nang disinggah akan tamasuk agau.
Pas agau sudah singgah polisi nang manjaga manakuni,…tolong surat suratnya pak jar polisi…jadi jar agau antara jalas lawan kada mandangar,,….ulun pa ae handak kawadah kamanakan handak maatari burung,..saya tidak Tanya tujuan bapak,saya Tanya surat jar polisi…kalo bapak tidak punya surat menyurat akan saya tilang,..jar polisinya pulang,…nah jar agau mun burung nya lain kutilang pak ae,kamanakan ulun minta burung jalak,kutilang ngalih maingun mun hahanyaran baingunan burung,..ah jar polisinya bisa urang gila ini…tarus haja sudah pian paae jar polisi…..

share this article to: Facebook Twitter Google+ Linkedin Technorati Digg

Posted by Unknown, Published at 3:12 PM and have 0 komentar