1. Kaprikurn (Diranakakan 21 Dis - 19 Jan)
Gawian : Ada paningkatan,tagal musti cangkal wan sabar.
Kasihatan : Kurangi makan nginum nang manis2,rajini baulah raga.
Paduitan : Pamasukan lumayan,ada nang kada di sangka2.
Asmara: Banyaki basabar wan ba alah,kadada paidahnya mahualakan nang kada pati panting.
2. Akuwarius (Diranakakan 20 Januari - 18 Pabruari)
Gawian : Kada usah tapangaruh wan pamandiran urang,yakin wan ndih saurang haja.
Kasihatan : Mun hati lagi panas,jangan imusi.Mun kada bisa bakunyung,jangan batajun kabanyu.
Paduitan : Mun balabihan duit bulih haja batutukar napa nang dihandaki.
Asmara: Hubungan tatap baik haja,ba bisa2 ai mampartahankan suasana nang baik,jangan tapangaruh pihak katiga.
3. Piskis (Diranakakan 19 Pab - 20 Marat)
Gawian : Jangan marasa saurang haja nang paharatnya,wahini lagi diitihi atasan,jadi ba bisa2 mambaiki kalakuan.
Kasihatan : Mun ada rasa kada nyaman awak lakasi bapiksi kaduktur atawa mantri.
Paduitan : Jangan pati paulanja nang kada parlu,gajihan masih lawas.
Asmara : Hawas!Ada nang lain pina manyingking,ba bisa2 mamaraki pasangan supaya kada lapas.
4. Ariyis (Diranakakan 21 Mar - 20 Apr)
Gawian : Jangan mangisahakan masalah awak wan urang lain,biarpun kawan saurang.
Kasihatan : Ba arit!Ampih makan iwak wadi,hintalu jaruk atawa jaring.
Paduitan: Jangan mamaksaakan kahandak mun duitnya balum mayu.
Asmara: Mun handak dihatiakan pasangan,jaga awak jangan sampai babau.
5. Tawurus,(Diranakakan 21 Apr-20 Mai).
Gawian : Kada usah cakah,mun ada kawan mangganii,tarima haja.
Kasihatan : Jangan bagadang,marga bagadang kadada gunanya,bujurai hati sanang.
Paduitan : Kada usah sangkal mun handak bahutang kada dihutangi.
Asmara: Hiburlah sidia,inya rahatan ada parsualan.
6. Gamini (Diranakakan 21 Mai - 20 Juni)
Gawian : Sabar haja,biar ada ganjalan,cagar naik pangkat.
Kasihatan : Jaga pikiran supaya tanang jangan panik,kurangi makan nang masin2.
Paduitan : Mun labihan duit baik disimpani dahulu,jangan ruyal wan kakawanan,kaina manyasal.
Asmara : Jangan panyarikan,kaina sidia manjauh.
7. Kansir (Diranakakan 21 Jun - 20 Juli)
Gawian : Jangan mancampuri urusan urang lain.
Kasihatan : Jaga lambung,ba arit makan nang padas wan masam.
Paduitan : Babaya pas,musti hati2 manyusun rancana pangaluaran.
Asmara : Parcuma ai mun manis dimuntung haja,nang panting kanyataan supaya sidia kada bapindah kalain hati.
8. Liyu (Diranakakan 21 Juli - 21 Agt)
Gawian : Jangan tapangaruh pamandiran urang,kasampatan hinang mun kada hakun basabar.
Kasihatan : Jaga hati tarus sabar,jangan manyanyarik,bisa2 bapangaruh ka jantung.
Paduitan : Mayu haja,pikiran handak bausaha nang lain parlu dipikirakan dahulu.
Asmara : Lagi bamasalah wan urusan cinta,cuba cari jalan kaluarnya.
9.Pirgu (Diranakakan 22 Agustus s/d 22 Saptimbir))
Gawian : Jaga pamarum jangan marantam,banyaki kurihing malayani palanggan.
Kasihatan : Kurangi makan nang ba lamak2,guring nang cukup.
Paduitan : Parlu sabar mun handak taulih nang banyak,biar gimit tagal cukup.
Asmara : Kadada paidahnya mangganang nang lawas,baik mahatiakan nang ada haja.
10. Libra (Diranakakan 23 Saptimbir - 23 Uktubar)
Gawian : Jangan parcaya wan kawan nang suah mambunguli.
Kasihatan : Jangan makan nang masin wan padas,bausaha ampih baruku.
Paduitan : Pamasukan pina batambah,usahakan maatur pangaluaran.
Asmara : Rancak tahual marga sual nang kada pati parlu.
11. Sakurpiu (Diranakakan 24 Ukt - 22 Nup)
Gawian : Jaga pamandiran jangan sampai atasan tasinggung.
Kasihatan : Rajini ulahraga baisukan,parlu hawa sigar supaya paru2 kada taganggu.
Paduitan : Jangan mamaksaakan bahutang mun kadada nang dicagar gasan batahur.
Asmara : Kada usah dianggap habar urang,kaina ranai saurang.
12. Sagitariyus (Diranakakan 23 Nup - 20 Dis)
Gawian : Tarus haja basamangat,masih banyak kasampatan cagar mandapatakan nang labih baik.
Kasihatan : Kurangi manuntun tipi sampai tangah malam.
Paduitan : Musti kaluar paluh dahulu mun handak taulih nang banyak.
Asmara : Sanang2 haja,biar ada balainan pandapat,kada talalu mangganggu.
PARHATIAN : Talalu parcaya bisa manyababakan kada taguring,malandaw wan sakit parut!
Posted by , Published at 3:08 PM and have
0
komentar
No comments:
Post a Comment