Nang bangaran Idur ni pintar pandir katuju mapakalah kakawanan.
Waktu itu musimnya batalipunan wan bibinian. Bilang kada kapulsaan, napa
bila manilpun 2-3 jam, pulsa 20 sakali nelpon habis.
Pas rahatan takumpulan di warung, ujar Idur, “Tadi aku nilpun bamudal
300 ja, kawa bapandir 3 jam.”
Takajut Imuh, Igan, wan Imis mandangar. “Kayapa caranya?” jar
buhannya pina tapaimbae manakuni.
“Mun buhan kam handak tau caranya, surya 16 sabiji, extra jus susu,
wan mi guring sama intalu ni bayari akan dulu!”
Nang bangaran handak tau paksa ae bakumpulan duit nang batiga ni,
imbahtu dibayari buhannya.
“Kaya ini caranya…,” jar Idur, “Tadi aku nilpun Haji Ali di hilir, pas sidin
maangkat tilpun, jarku pian adalah di rumah? Ujar sidin ada ae. Imbahtu aku
tutup tilpunnya, kudatangi sidin ka rumah. Kami bapandiran nae lagi dari
jam 8 sampai 11. Han 300 ja kalu mudalnya!” jar Idur sambil mangalunyur
bulik.
Posted by , Published at 3:06 PM and have
0
komentar
No comments:
Post a Comment